Ahalduntzeko lankidetzan
2019ko abendutik 2022ko ekainera, Garapenerako Lankidetzaren Euskal Agentziaren (GLEA) finantzaketari eta TAU Fundazioaren eta CORDESen arteko lankidetzari esker, emakume nekazari salvadortarrak ahalduntzeko proiektu bat gauzatu dugu Aguilaresen, El Paisnalen eta San Pablo Tacachicon.
Proiektu hau 300 emakume ahalduntzera, haien lidergoak eta gaitasunak garatzera, emakume ekoizleak eta diru-sarrerak sortzen dituztenak direla aitortzera bideratutako estrategiaren barruan kokatzen da, emakume horien ahalmenak balioetsi, produkzio-jarduerari buruzko erabakiak hartu eta familia-ekonomiari egiten dioten ekarpenaz jabetu daitezen. Izan ere, proiektua gauzatu ondoren, Rosa Cruzek, parte hartu duen emakumeetako batek, hausnarketa horrekin bat egiten du: “Landa eremuko emakumeak gara janari hori etxe bakoitzera eramaten dugunak, gure esku ekoizleek herrialde honetako ekonomia hazten laguntzen digute”.
Horretarako, sentsibilizazio- eta prestakuntza-kanpainak egin behar izan dira ahalduntzeari, haien eskubideak ezagutzeari eta eduki tekniko-produktiboei eta merkaturatzeari buruzko hainbat gairi buruz, emakumeentzako nekazaritza eta abeltzaintzako 207 ekoizpen-sistema jarri baitira abian proiektuarekin.
Eragin berezia izan du parte hartu duten emakumeengan, guztira 300 emakumerentzako prestakuntza-prozesuen eta lidergo-prestakuntzaren bidez berdintasuna bilatzeko dituzten eskubideak ezagutzeak. Era berean, 200 gizonek parte hartu dute “Maskulinitate berriei” buruzko zortzi jardunalditan, jarrera matxistak murrizteko.
Halaber, garrantzitsua izan da berdintasunaren aldeko sentsibilizazio-programa bat abian jartzea, 10 programa erradialen eta “Mujeres sin Barreras”, izeneko asteroko telebista-programa baten bidez. Programa hori Tokiko Telebistako kanal batek eta Facebook Lifek transmititu dute zuzenean.
Azkenik, proiektuaren beste gakoetako bat emakumeen antolaketa indartzea izan da, eta, guztira, emakumeen 17 batzorde komunitario eratu dira (6 San Pablo Tacachicon, 8 El Paísnalen, 3 Aguilaresen). Batzorde horiek antolaketa komunitarioa dinamizatzen dute, eta eragina dute eskaerak identifikatuz eta udalerrietarantz genero-politiken proposamenak eginez. Izan ere, proiektuan zehar genero-arloko hiru udal-politika publiko berrikusi eta eguneratu dira, eta 17 herri-batzorde berri horietako 535 emakumek parte hartu dute.
Ahalduntze-prozesu interesgarri eta merezimenduzko hori guztia TAUfundazioaren YouTubeko kanalean ikus daitekeen bideo batean sistematizatu da.
