Genero-indarkeriari aurre egitea hezkuntza-komunitate inklusiboen, emakume erakunde indartuen eta eskubideen ikuspegia duen udal-kudeaketaren bidez, Ckochasen, III. fasea

IPTK

Justifikazioa

Proiektu honek tokiko biztanleriarekin partaidetzan identifikatutako arazotik abiatuta bideratzen du bere esku-hartzea. Arazo hori nagusiki genero-desberdintasuna da, emakumearen aurkako indarkeriaren indize handiarekin lotuta dagoena, jarrera eta jokabide matxistek sortua, eta familian eta Ckochas udalerriko antolamendu-egituretan genero-rol tradizionalak betikotzen dituena. Proiektuaren hirugarren faserako identifikatutako neurri eta estrategien oinarria aurreko faseko ikaskuntzak, indarguneak eta ahuleziak dira.

Kokapena

Ckochas (Bolivia)

Tokiko bazkidea

IPTK

Helburuak

Helburu orokorra: Ckochas udalerrian emakumeen eta haurren aurkako indarkeria-mota guztiak murrizten eta gizarte baketsuagoa eraikitzen laguntzea, hezkuntza inklusiboaren, emakume-erakundeen sendotzearen eta genero-ikuspegidun udal-kudeaketaren bidez.

Helburu espezifikoa: Hezkuntza-komunitate inklusiboen, emakumeen ekonomia- eta gizarte-erakundeen eta Ckochas udalerriko erakunde-eragile publiko eta pribatuen lidergoa, parte-hartze aktiboa eta eragina sendotzea, kulturartekotasunaren ikuspegitik, genero-indarkeriarik gabeko bizitzarako eskubidea gauzatzeari dagokionez.

Biztanleria protagonista

(344 emakume y 298 gizon).

Proiektuaren iraupena

Aurrekontua

Finantzazioa

TAU, Gipuzkoako Foru Aldundia (100.000€)

Jarduerak:

  • Hezkuntza-agintariekin eta ikasle-batzordeekin koordinatzea, hezkuntza-unitateetan genero-indarkeria prebenitzeko ekintzak ezartzeko.
  • Indarkeria prebenitzeko hezkuntza-tresnak dituen kutxa metodologiko digital bat diseinatzea, ikasleen parte-hartzearekin.
  • Hezkuntza-eremuan indarkeria prebenitzeko metodologia-kutxa erabiltzen eta ezartzen gaitzea agintariak eta irakasleak.
  • Ikasleen liderrak prestatzea eta indartzea, indarkeria prebenitzeko eragile gisa, tresna artistikoak eta IKTBak txertatuta.
  • Indarkerien prebentziorako hezkuntza-eragineko plan bat ezartzea, eskola-komunitateari zuzendutako hezkidetza-ekintzen bidez, PSPIekin artikulatuta.
  • Agintariek eta irakasleek indarkeria prebenitzeko ezarritako hezkuntza-estrategien jarraipena eta ebaluazioa.
  • Ahalduntze ekonomikoari eta lidergo politikoari buruzko bi prestakuntza-programa garatzea, genero-indarkeria eta indarkeria ekonomikoa prebenitzeko ikuspegiarekin.
  • Ahalduntze ekonomikoari eta lidergo politikoari buruzko prestakuntza-programak ezartzea, gizartea mobilizatzeko eta eskubideak defendatzeko estrategiekin.
  • Produkzio-ekipamendua eta prestakuntza teknikoa ematea, emakumeen autonomia ekonomikoa indartzeko eta indarkeria ekonomikoarekiko eta ingurumenarekiko kalteberatasuna murrizteko.
  • Emakumeen bikoteei zuzendutako zaintzaren erantzukidetasun-tailerrak eta indarkerien prebentzioa elkarte ekonomiko eta sozialetan.
  • Gizarte- eta ekonomia-erakundeetako liderren eta ikasleen liderren arteko elkarrizketa-espazioak, PTDIren esparruan indarkeria prebenitzeko agenda politiko baten jarraibideak ezartzeko.
  • Indarkeriaren aurka kontzintizatzeko eta prebenitzeko materialekin tresna-kutxa bat sortzea.
  • Tresna-kaxaren erabileran eta edukietan indarkeriaren aurka borrokatzeko Sareko kideak gaitzea.
  • Landa-komunitateetako indarkeriaren aurka borrokatzeko sareko kideekin kontzientziazio-kanpainak antolatzea, esku-hartze kooperatiboko agenda batean oinarrituta.
  • Indarkeriaren biktima diren ikasle eta emakumeei (sexuala, fisikoa…)
  • PTDIen esparruan indarkeria prebenitzeko agenda politiko baten eraikuntza parte-hartzailea egiteko udal-topaketa.
  • Indarkeria prebenitzeko agenda politikoaren sozializazioa eta informazioa, gizartearen, ekonomiaren eta ingurumenaren ikuspegitik.
  • Truke birtualak, Ckochaseko Indarkeriaren aurkako Sarearen eta EDE Fundazioaren artean genero-indarkeriari arreta osoa emateko esperientzien eta baliabideen trukaketan sakontzeko.